Esto es lo que a hecho hasta ahora el grupo que tiene que buscar información sobre la pobreza uqe hay en Irún.
21.000 familiarengana iritsi da 2012an Elikagaien Bankua
2012an inoiz baino elikagai gehiago jaso zituen Gipuzkoako Elikagai Bankuak Oiartzunen eta Bergaran dituen egoitzetan. Oiartzunen, zehazki, 1,6 milioi kilo jaki kudeatu zituzten, eta ia bi milioira iritsi artekoak Bergarako egoitzan jaso zituzten. Horiek guztiak Gipuzkoako 21.000 familiak baliatu zituzten iaz.
Egunero, goizean, 11:30ak arte, ematen dizkiete jakiak bankuarekin hitzarmena duten elkarte eta eragileei Oiartzungo Lanbarren industriaguneko biltegian. Boluntarioen jarduera frenetikoa izan ohi da tarte horretan, azkar eta modu ordenatuan lan egiten dute furgonetak iritsi ahala. 1997an sortu zuten bankua, eta 1998an hasi ziren lanean, helburu zehatzarekin: elikagaien xahubidearekin bukatzea.
Ordutik bide luzea egin du bankuak. Asko zabaldu dute sarea, eta erakundeen, merkataritza guneen, enpresen eta bestelako eragileen laguntza dute elikagaiak jasotzeko eta banatzeko bidean. Urtetik urtera gora doa elikagaiak jasotzen dituztenen kopurua, eta Oarsoaldean eta Bidasoan ia 40 talde, elkarte eta eragilek hartzen dituzte gaiak bankutik, gero euren herrietan eta auzoetan beharra dutenen artean banatzeko. Astero, hilabetero, edo aldian behin jasotzen dituzte premiazko laguntza horiek bi eskualdeetako boluntarioek.
Azken ordukoak
Bankuak hainbat tokitatik elikatzen du bere biltegia. Batetik, Europako Batasunak ematen ditu lehengaiak —2012an horien kalitatea handitu dela nabarmendu dute bankuko ordezkariek—, bestetik kanpainen bidez ere lortzen dituzte elikagaiak, eta denda eta merkataritza guneekin ere hitzarmenak dituzte.
Azken horiekin azken orduko bilketa sistema jarri zuten abian 2009an: produktu freskoak —barazkiak eta fruta batez ere— jasotzen dituzte egunero modu horretara. Iaz, 800.000 kilo jaki lortu zituzten azken ordukoekin.
Ondoko bideoan Lanbarrengo pabilioian nola lan egiten duten ikus daiteke.
Videoak:
Erakundeak Irunen:
- Udala
- Cáritas
- Elikagaien Bankua Oiartzun (Irun)
- Zerbitzu Sozialak - Giza zerbitzuak Irungo udala.
- Eskutitzak
- Baimenak eskatu
Cáritas: Donosti Paseo Salamanca 2,cp 20003
Telefono: 943440744
